မိတ်ဆွေတို့ တစ်ခါတစ်ရံမှာ…ဖုန်းတွေအပေါ် ကိစ္စအထွေအထူးမရှိပဲ ဖွင့်ကြည့်မိနေတာမျိုး ကြုံဖူးကြမှာပါ။ ဖုန်းတွေဟာ သင့်အတွက်တကယ်ကိုအသုံးဝင်ပြီး အကျိုးကျေးဇူးအများကြီးရရှိစေတယ်ဆိုတာတော့ အမှန်အကန်ပါပဲ။ ဒါပေမဲ့ တစ်ခါတစ်ရံ မလိုအပ်ပဲ ဖုန်းကိုသုံးမိနေခြင်းဟာ သင့်ကိုမသက်မသာဖြစ်စေမှာပါ။ ဒါကြောင့် ဖုန်းကို အကျိူးရှိရှိနဲ့ဂရုတစ်စိုက်ချင့်ချိန်သုံးစွဲဖို့လိုပါတယ်။ဒါကြောင့် အကျိုးရှိနိုင်မယ်ထင်တဲ့ Tips လေးတွေဖော် ပြပေး လိုက်ပါတယ်…

မလိုအပ်တဲ့ Notification တွေဖယ်ရှားလိုက်ပါ

အရေးကြီးတဲ့ Chat notification ဒါမှမဟုတ် Email Notification တွေလိုမျိုးမဟုတ်ပဲ တစ်ချို့အရမ်းမလိုအပ်တဲ့ App တွေကနေ Notification တွေတက်တက်လာတာဟာ သင့်ဖုန်းကိုမလိုအပ်ပဲ အာရုံစိုက်မိနေဖို့ဖြစ်စေတတ်ပါတယ်။ တစ်ခါတစ်ရံ စိတ်အနှောင့်အယှက်တောင်ဖြစ်စေပါတယ်။ဒါကြောင့် သင့်အတွက်အရမ်းမလိုအပ်တဲ့ App က Notification တွေကို Setting ထဲဝင်ပြီး ပိတ်ထားလိုက်ပါ။

Wallpaper ကို Black ထားလိုက်ပါ

အမိုက်စား Wallpaper လှလှလေးတွေဟာ အမြင်လှတာမှန်ပေမဲ့ တစ်ခါတစ်ရံ ဖုန်း အပေါ်အာရုံစိုက်ရွေးချယ်ပြီးအလုပ်လုပ်ရတဲ့အခါ အရောင်တွေနဲ့ရှုပ်ထွေးနေတတ်ပါတယ်။ Black Color Wallpaper တွေကတော့ သင့်ဖုန်းပေါ်က App နဲ့အခြားသောအရာတွေကို ရှင်းရှင်းလင်းလင်းမြင်ရပြီး ပိုမို Focus လုပ်နိုင်စေပါတယ်။

Home Screen မှာ လိုအပ်တဲ့ Tools တွေပဲအဓိကထားလိုက်ပါ

သင့်ဖုန်းအပေါ် မလိုအပ်ပဲအချိန်တွေပေးပြီး App တွေရှာဖွေနေရတာမျိုးကြုံနေရတဲ့အခါ ပထမဆုံး Home Screen မှာ အမြဲနေ့စဉ်သုံးစွဲထိတွေ့နေရတဲ့ Apps တွေကိုရွေးချယ်ထားလိုက်ပါ။ တစ်ခြား ရံဖန်ရံခါပဲ လိုအပ်တဲ့ App တွေကို Folder ထဲသက်သက်ခွဲထားတာမျိုးလုပ်ထားလိုက်ပါ။

App တွေကို Search မှာ Typing ရိုက်ရှာတာဟာပိုမိုလွယ်ကူစေပါတယ်

ကိုယ်ဖွင့်ချင်တဲ့ App ကို ဖုန်းကို Swipe Down လုပ်ပြီး Typing ရိုက်ရှာတာပိုမိုလွယ်ကူမြန်ဆန်ပြီး တိကျပါတယ်။

ညအိပ်ချိန်မှာ ဖုန်းကို အိပ်ရာနဲ့ဝေးဝေးမှာ ထားရှိပါ

သင့်ဖုန်းကိုသင်အိပ်တဲ့နေရာအနီးအနား မှာအားသွင်းထားတာမျိုး တွေလုပ်တာဟာ သင့်ရဲ့အနားယူချိန်တွေကို အနှောင့်အယှက်ပေးပါတယ်။ညအိပ်စဉ် ဖုန်းက Notifications တက်လာတိုင်း ဖုန်းအပေါ်စိတ်ရောက်ပြီး ထဖွင့်နေတဲ့အခါ အိပ်ချိန်ကိုမှားယွင်းစေပြီး ကျန်းမာရေးကိုထိခိုက်စေနိုင်ပါတယ်။

အခုဖော်ပြတဲ့အချက်လေးတွေဟာ အသေးအမွှားဆိုပေမဲ့ အမှန်တစ်ကယ် Try ကြည့်ပြီးလိုက်နာနိုင်တယ်ဆို အနည်းငယ်တော့အကျိုးထူးပါလိမ့်မယ်။

Ref-Medium

Leave a Reply

social sharing buttons