SEO Campaign တစ်ခု အမှန်တကယ် အလုပ်ဖြစ်မဖြစ် (Google First Page မှာ ရောက်မရောက်) ဆိုတာ Campaign စပြီး သုံးလလောက်အကြာတွင် အဖြေသိနိုင်ပါတယ်။ SEO Campaign တစ်ခု စတင်ပြီး သုံးလလောက်နေတောင်မှ Result မတွေ့ရဘူးဆိုရင် အောင်မြင်တဲ့ Campaign တစ်ခု ဒါမှမဟုတ် Campaign Strategy ပြောင်းသင့်ပြီလို့ ပြောလို့ရပါတယ်။

SEO Campaign တခု မအောင်မြင်ရခြင်း အကြောင်းအရာများစွာရှိနိုင်ပါတယ်။ ထိုအကြောင်းအရာ များစွာ ထဲမှာမှ အရေးကြီးတဲ့ အချက်တွေကို ဖောြ်ပပေးသွားမှာဖြစ်ပါတယ်…

-သင့် Website တွင် Content နည်းနေခြင်း

Google က content တွေကို သဘောကျနှစ်သက်ပါတယ်။ ဒါပေမယ့် သင့် Website က User တွေကို ဆွဲဆောင်နိုင်တဲ့ Content အလန်းစား တွေမရှိဘူးဆိုရင် User တွေက ခဏတာဝင်ပြီး ပြန်ထွက်သွား ပါလိမ့်မည်။ Bounce Rate များလာလိမ့်မယ်။ User အများစု ခဏတာဝင်ပြီး ထွက်သွားတဲ့ website (Bounce Rate များသော Website) တွေဆိုရင် Google ရဲ့ First Page ရောက်နေလျှင်လည်း Google က အကြာကြီး First Page မှာ ထားမည်မဟုတ်ပါ။

-သင် အသုံးပြုနေသော Hosting Server

Website တခု ကောင်းကောင်း အလုပ် လုပ်မလုပ်ဆိုတာ အသုံးပြုတဲ့ Hosting Server ပေါ်မှာ အများကြီး မူတည်ပါတယ်။ သင့်ရဲ့ website size ကို ကြည့်ပြီး အသင့်တော်ဆုံး Hosting Server ကိုဘဲ သုံးသင့်ပါ တယ်။

-Website Linking

Linking ဆိုသည့် နေရတွင် Internal Linking နှင့် External Linking ဆိုပြီး နှစ်မျိုးခွဲလို့ရပါတယ်။ Internal Linking က ကိုယ့် Website ပေါ်မှာ လုပ်ရတာမို့လွယ်ကူမယ်လို့ ဆိုလို့ရပေမယ့် မှားယွင်းပြီး လုပ်လျှင် Ranking မရရုံမက Ranking တောင်ကျသွားနိုင်ပါတယ်။ External Linking ဆိုတာ ပြင်ပ အခြား Website တွေက ကိုယ့် Website ကို Linking လုပ်ခြင်းကို ခေါ်ပါတယ်။ Organic နဲ့ ရထားသော External Links (Backlinks) သည် အကောင်းဆုံးဖြစ်ပါသည်။ အခြား External Linking ဥပမာ (ငွေပေးပြီး ဝယ်ရသော Links, Spam Comments,etc…) များကို Google က လုံးဝ လက်မခံပါ။

-Google Algorithm အပြောင်းအလဲများကို စောင့်ကြည့်မနေခြင်း

Google သည်လည်း အကောင်းဆုံး Service ပေးနိုင်ရေးအတွက် သူ့ Algorithm ကို မကြာခဏဆိုသလို Update လုပ်တတ်ပါတယ်။ Algorithm Update ကို အမြဲ စောင့်ကြည့်နေသင့်ပါတယ်။

-Bounce Rate များနေခြင်း

ဒီတစချက်ကတော့ နံပါတ် (၁) နှင့် ခပ်ဆင်ဆင် ပါပဲ။ Bounce Rate ဆိုတာ User က ဝင်ပြီး ထွက်သွားတဲ့ အကြိမ်ရည်ကို ပြောဒါပါ။ အကြိမ်ရေ များလာလျှင်မကောင်းပါဘူး။ Bounce Rate များတဲ့ Website တခုကို Google က First Page မှာ ကြာကြာမထားပါဘူး။

-သင် အသုံးပြုနေသော SEO Strategy က Outdated ဖြစ်ခြင်း

SEO Tactics ဟောင်းများတွေဖြစ်တဲ့ Reciprocal Linking, Flat URL Structure, Keyword Stuffing, Link And Article Directories, Exact-Match Domains etc… များကို သုံးလျှင် Ranking လုံးဝရ မည်မဟုတ်ပါ။

-Result (Ranked On Google First Page) မြန်မြန်ရလိုခြင်း

SEO Campaign တစ်ခုရဲ့ ရလဒ်ဟာဆိုရင် အနည်းဆုံး Campaign စပြီး သုံးလလောက်နေမှ Result ကို သိနိုင်မှာ ဖြစ်ပါတယ်။ Campaign စစခြင်း Ranking ရဖို့ဆိုတာ မဖြစ်နိုင်ပါဘူး။ ဒါကြောင့် စိတ်နည်းနည်း ရှည်ပေး ရပါမည်။

-သင့် Website သည် Mobile Friendly ဖြစ်မနေခြင်း

ဒီတစ်ခုကတော့ ပြောဖို့ မလိုလောက်ဘူးထင်ပါတယ်။ Google က Website မှာ ဆိုရင် Mobile-First လို့ကြေညာတာကြာပါပြီ။ သင့် Website က Mobile-First မဖြစ်ဘူးဆိုရင် Ranking ရဖို့ လွယ်ကူ မည်မဟုတ်ပါ။

SEO Campaign တစ်ခု မအောင်မြင်ရခြင်း အကြောင်းများစွာရှိတဲ့ အထဲမှာမှ အရေးကြီးသော၊ လူအများနှင့် ပိုရင်းနှီးမည့် အကြောင်းအရာများကို ဖော်ပြလိုက်ခြင်းဖြစ်ပါတယ်။